له‌هه‌رێمی‌ كوردستان یادی‌ له‌دیكبونی‌ پێغەمبەر موحه‌ممه‌د (ص)به‌رز ڕاگیرا

له‌هه‌رێمی‌ كوردستان یادی‌ له‌دیكبونی‌ پێغەمبەر موحه‌ممه‌د (ص)به‌رز ڕاگیرا

ئه‌مڕۆ یادی‌ له‌دیكبونی‌ پێشه‌وای‌ مرۆڤایه‌تی‌ موحه‌ممه‌د درودی‌ خوای‌ لێبێت له‌سه‌رتاسه‌ری‌ هه‌رێمی‌ كوردستان به‌زرڕاگیرا.

به پێی هەواڵ دەریی ئەهلو بەیت(ع) ، ابنا: هاوڵاتیانی‌ هه‌ولێر به‌یانی‌ ئه‌مڕۆ به‌جلو به‌رگی‌ كورده‌واری‌ و به‌خشینه‌وه‌ی‌ شیرنی‌ ڕوویان له‌ناوه‌ندی‌ شاره‌ی‌ هه‌ولێر كردو یادی‌ له‌دایكبونی‌ پێشه‌وای‌ مرۆڤایه‌تیان كرده‌وه‌، هاوڵاتیان ئاماژه‌یان بۆ ئه‌وه‌ده‌كرد "پێویسته‌ ئه‌م ی بكرێته‌ ڕۆژی‌ ئاشته‌وایی‌ نێوان موسڵمان و چین و توێژه‌ جیاوازه‌كان".

هاوكات له‌بازاڕه‌كانی‌ شاری‌ هه‌ولێر دووكانداره‌كان و بازرگانان به‌به‌رزكردنه‌وه‌ی‌ دروشمه‌كانی‌ تایبه‌ت به‌یادی‌ مه‌ولود و به‌خشینه‌وه‌ی‌ شیرینی‌ ئه‌م یاده‌یان به‌رزڕاگرت.

له‌مزگه‌وتی‌ گه‌وره‌ی‌ شاری‌ سلێمانیش موسڵمانان یاده‌كه‌یان به‌رزڕاگرت و هاوڵاتیان نوێژخوێنان به‌وتنه‌وه‌ی‌ سرودو و دوعاكردن بۆ ئاشتی‌ و خۆشگوزه‌رانی‌ و سه‌ركه‌وتنی‌ پێشمه‌رگه‌ یاده‌كه‌یان به‌جۆشكرد.
هاوكاتی‌ سلێمانی‌ و هه‌ولێر له‌پارێزگاكانی‌ هه‌ڵه‌بجه‌ و دهۆك و باقی‌ شار و شارۆچكه‌كانی‌ تر ئاهه‌نگی‌ گه‌وره‌ی‌ تایبه‌ت به‌و یاده‌ ڕێكخراو هاوڵاتیان به‌جۆش و خرۆشه‌وه‌ یادی‌ له‌دایكبونی‌ پێشه‌وای‌ مرۆڤایه‌یتیان به‌زرڕاگرت.